تقييم مسلسل 6 شهور نور النبوي ونور ايهاب

هذا المقال مقتبس عن الصفحة الرسمية للكاتب بهاء حجازي عبر فيسبوك، حيث نرصد تقييم مسلسل 6 شهور من وجهة نظر الكاتب.

6 شهور مسلسل مصري من بطولة نور النبوي ونور ايهاب وعدد من النجوم والنجمات الصاعدات في الدراما المصرية.

تقييم مسلسل 6 شهور مع بهاء حجازي

مكنتش متفائل بفكرة ان نور النبوي يعمل بطولة، فمكنتش معول على المسلسل اي حاجة، دخلت بلا توقعات.. فلقيت نفسي مبسوط، ودي نادرا لما بتحصل..

انت هنا عندك كوميديا موقف، وكوميدا افيه وكل حاجة، مصطفى ليشع اول ما بيظهر في المشهد بتبتسم تلقائي، وفي ثانية بيرمي الافيه بشكل عبقري.. اتمنى اشوفه في شغل اكتر.. لانه موهوب فعلا…

مراد مكرم لا جديد يقال ولا قديم يعاد.. منور.. وبيعرف يملى اي دور يسكنه.. تحس ان دا مدير مبيعات فعلا .. وانا اكاد اجزم انك لو بتشتغل في الفيلد دا هتكون شفت ناس شبهه..

تابع المزيد من اخبار الفن ومشاهير العرب عبر حساباتنا على منصات التواصل الاجتماعي

الاخراج معقول جدا.. اللوكشينات كتير جدا.. بس الاخراج اللي مايل للمدرسة الامريكاني.. معلي رتم الحلقة.. ومش حاسس باي ملل.. ب بالعكس بتفاجئ ان الحلقة خلصت.. وبما ان دي تجربته الاولى.. فاحنا كسبنا مخرج جيد اسمه مصطفي صولي

المؤلف عمرو أبو زيد مع المؤلف احمد هشام، عاملين حدوتة محبوكة، لطيفة، وفيه تايمر فوق دماغ كل الابطال تقريبا، فانت حاسس بالتوتر معاهم.. مشاهد علاء مرسي واللاين بتاعه كانت هايلة قوي.. عندي عتب بس ان قفلات الحلقات مش اقوى حاجة.. انت اه بتقفل بتشويق.. بس انا بفتح الحلقة الجديدة بكتشف ان المشهد اللي قفلنا بيه مش مشوق ولا حاجة.. زي مشهد وليد في الحلقة التانية..

اقرأ ايضا – قصة مسلسل رقم سري من عالم صوت وصورة

اضافة لفكرة الاستريو تايب.. بتاعت بعض الشخصيات.. زي شخصية حليم اللي عملها امجد الحجار… مفيش شخصيات كدا.. الناس بقت خبثا.. دا مكشوف قوي.. اللي هو كاد المُريب يقول خذوني”

مفيش هنا لغز بيتحل، فيه سبق، وانت بتشجع.. كنت استحسن ان يبقى فيه تيم لمراد وتيم للطيفة.. ونشجع دا ونشجع دا ونشوف مين اللي هيوصل.. وهكذا.. بس إجمالا أنا راضي ومبسوط..

تقييمي النهائي 8 من 10..