مراجعة فيلم Rebel Ridge … فيلم جريمة واكشن قوي جداً متاح دلوقتي على Netflix ويستحق المشاهدة (لا يوجد حرق لأحداث الفيلم).
وقصته بكل بساطة بتبدأ مع ظابط سابق في الجيش الأمريكي وهو رايح يدفع كفالة ابن عمه في المحكمة بيوقفه في الطريق ٢ ظباط شرطة وبيتحفظوا على الفلوس اللي معاه لأنهم شكوا أنها فلوس من تجارة المخدرات، فبطلنا بيحاول يسترجع الفلوس بشكل قانوني ولكن بيلاقي الطريق مسدود وبسبب أن حياة ابن عمه في السجن مهددة بالخطر، فبيقرر أنه يروح ويواجه اللي خدوا منه الفلوس …. وبس كده وبنشوف المواجهة دي ايه تابعيتها وهتكشف لينا عن ايه.
بوستر فيلم Rebel Ridge
بكل بساطة ده واحد من أفلام الأكشن والجريمة التصاعدية في أحداثها اللي بتبدأ مع حادث بسيط غير مخطط ليه ولكن بينتج عنها تسلل من الأحداث القوية والأسرار التي يتم كشفها.
وده ينقلنا على جانب الجريمة اللي حبيته جداً لأنه كان متعوب فيه ومتقدم فيه حاجة مش منتشرة في الأفلام المشابهة، وكمان جانب الاكشن برغم أن عدد مشاهد الأكشن مش كتير خالص ولكن لما بتحصل تنفيذها بيكون واقعي لأكثر درجة ممكنة وتصميمه وتصويره كان رائع.
لو عـــايــز تكون أول واحد يشوف الفيلم ده.. متنساش تزور قسم الأفلام الأجنبية
المميز كمان في الفيلم هو تقديم دوافع قوية لكل شخصيتنا سواء الجانب اللي على حق أو اللي على باطل وده كان ليه تأثيره في مراحل تفجر الأحداث.
تعرف على ابطال فيلم هيبتا ٢ المناظرة الأخيرة
ولكن مهم تعرف برغم أن الفيلم يعتبر عبارة عن مغامرة بطالنا بيعيشها وفيها تصاعد الأحداث بس الفيلم من نوعية الأفلام ذات النطاق والشخصيات المحدودة اللي الصراع بيدور بينهم.
وأخيراً الفيلم زي ما قولت متاح دلوقتي اونلاين ومناسب للسهرات وصالح للمشاهدة العائلية… وطبعاً اللي أتفرج على الفيلم يشاركنا رأيه في الكومنتات.
وتقييمي للفيلم … (8 / 10)