تعتبر النرويج جوهرة إسكندنافية، حيث الطبيعة البكر تتألق بجمالها الأخاذ من الفيوردات الشاهقة إلى الأضواء الشمالية الساحرة، تقدم النرويج تجربة سفر لا تُنسى، ولاشك أن السياحة في النرويج بدأت تزدهر السنوات الأخيرة.
ونرصد في عدة سطور رأي احد المسافرون العرب في السفر الى النرويج:
النرويج من أحب البلاد لنفسي، البلد مش بس طبيعتها ساحرة، لكن كمان تاريخها وثقافتها غنية جدًا. البلد مشهورة بالخضرة، الجبال، والشلالات، بس كمان في حاجات كتير تستاهل الزيارة غير المناظر الطبيعية. هتكلم النهارده عن العاصمة أوسلو وأديكم شوية معلومات زيادة عن البلد الجميلة دي.
معلومات عن النرويج:
• العاصمة: أوسلو.
• اللغة الرسمية: النرويجية و الانجليزية مستخدمة في كل مكان.
• العملة: الكرونة النرويجية (NOK). ال ١٠٠ نوك ب ٧ جنيه استرليني.
• عدد السكان: حوالي 5.4 مليون نسمة.
• الطقس: في الصيف الجو بيبقى حلو وفي الشتاء بيبقى برد جدًا، وده طبعًا بيدي فرصة لو انت بتحب للاستمتاع بالألعاب الشتوية زي التزلج.
أوسلو، العاصمة وأكبر مدينة في النرويج، مكان فيه كل حاجة. خليط بين التاريخ والمعمار الحديث، مع طبيعة برضه مش قليلة حوالين المدينة. من أول ما توصل أوسلو، هتحس إنك في مدينة أوروبية راقية جدا، كل حاجة منظمة ونضيفة جدا جدا. المدينة كمان مليانة متاحف ومعالم تاريخية وثقافية تخليك عايز تكتشف كل ركن فيها.
هل تخطط للسفر في اكتوبر؟ كوستا دورادا وجهتك المناسبة
لاشك أن السياحة في النرويج تستحق أن تأتي يوما ما لكل شخص قادر على توفير الوقت والمال للاستمتاع بحياته.
أشهر الأماكن في أوسلو لو حبيت انك تزورهم:
• متحف الفايكنج: هنا هتتعرف على تاريخ الفايكنج وتقدر تشوف سفنهم الحقيقية اللي كانت بتستخدم في حروبهم.
• الحديقة الملكية: دي واحدة من أجمل الحدائق في أوسلو، بتفتح للجمهور تقدر تتمشى فيها وتاخد وقتك في الاسترخاء.
• دار الأوبرا في أوسلو: المبنى ده تحفة معمارية حديثة على البحر مباشرة، تقدر تطلع فوقه وتاخد مشهد بانورامي رائع للمدينة والبحر مع بعض و حتلاقوا صور ليها انا حاططها مع البوست ده
• متحف مونك: لو بتحب الفن، هتستمتع بمتحف إدفارد مونك، الفنان النرويجي
الأكل في أوسلو:
الأكل النرويجي لازم يتجرب. أشهر حاجة ممكن تجربها هناك هي السلمون المدخن، لأن النرويج معروفة إنها من أكبر المصدرين للأسماك في العالم. كمان فيه حاجة اسمها كلبسكيف، اللي هو عبارة عن سمك مقلي مع بطاطس. وفيه كمان حلويات زى الوافلز النرويجي اللي بيتقدم مع مربى التوت أو الكريمة.
الحياة في أوسلو:
الناس هناك وديين جدًا وبيحبوا يساعدوا السياح. المدينة نفسها مرتبة جدًا والمواصلات العامة فيها ممتازة، سواء مترو، ترام، أو باصات. لو بتحب ركوب العجل، أوسلو مناسبة جدًا للموضوع ده. الحياة في أوسلو غالية شوية مقارنة بمدن أوروبية تانية، بس التجربة تستاهل. (لمزيد من الأراء انتقل للصفحة الرئيسية)
الصور من سفريتي الأخيرة لاوسلو 
(مع حاتم With Hatem)
