أفلام مصرية في الأوسكار: تقييم فيلم فوي فوي فوي مع خالد عصام

وسيكون الفيلم الذي كتب حواره وأخرجه عمر هلال، ضمن الأفلام الساعية للتأهل إلى المرحلة النهائية في فئة أفضل فيلم أجنبي من بين عشرات الترشيحات من مختلف دول العالم.

قصة فيلم فوي فوي فوي

تدور حول أحداث سنة ٢٠١٣ م وبتبدأ مع شاب مصرى اسمه “حسن” سئ السمعة وحالته المادية صعبة عشان كده زى شباب كتير حلمه أنه يسافر يشتغل بره مصر، وعشان يعمل كده بيدعى أنه كفيف وبينضم لنادى كرة قدم للمكفوفين من أجل الصعود معاهم لكأس العالم للأندية إلى هيتلعب فى اوروبا، هل تنجح خطة حسن ولا لا؟

أبطال فيلم فوي فوي فوي

رأي الناقد خالد عصام بالفيلم

ببساطة كده كواحد بقاله مدة طويلة مدخلش أو اتفرج على فيلم مصرى برغم ان السينما شئ أساسى فى اسبوعى العادى بشكل دائم … فالفيلم ده كان بالنسبالى تجربة ممتعة جداً لأسباب كثيرة.

اول حاجة فيهم هى أن القصة فعلا حلوة ومثيرة للاهتمام وغير تقليديه وضيف على ده كله أنها مبنية على أحداث حقيقية فى غاية الغرابة والصدمة، وكل الأحداث دى وما بداخلها من شخصيات مثيرة للاهتمام تم تناولها فى هذا العمل بشكل أكثر من رائع تحت قيادة مخرج وكاتب العمل “عمر هلال” وإلى حقيقى اتفاجأت لما عرفت أن دى اول أعماله وإلى قدر أنه يثبت نفسه فيها بقوة سواء على مستوى الكتابة وتفاصيل الشخصيات والتوازن ما بين الدراما والكوميديا الفعالة جدا والإثارة إلى بتبقى حاضره معانا فى أوقات كتير نظراً لطبيعة أحداث الفيلم.

نور الإشارة ان هذا الرأي له كل الاحترام وأن فريق العمل قام بالإقتباس بالأسلوب المناسب ويمكنك متابعة صفحة الناقد عبر الفيسبوك.

وكمان على المستوى البصرى ومدى جمال الصورة واستخدام اداوته كمخرج عشان ييعطينا تجربه بصرية محسوسة جدا، وكمان قيادته لفريق التمثيل بكل الاسماء المهمة إلى فيه وإلى حقيقى كل واحد منهم قدم أداء رائع وعلى رأسهم محمد فراج ومعاه بيومى فؤاد إلى قدم دور غنى ومميز وطبعاً نيلى كريم وطه دسوقى وإلى فاجئنى فعلا واول مره اتفرج عليه هو أمجد الحجار حقيقى عجبنى دوره جدا.

وبس كده وطبعاً ارشحه للمشاهدة فى السينما … ولكن مع الوضع فى الاعتبار أن الفيلم جرئ شوية فى بعض المشاهد.

لمزيد من اخبار المشاهير العرب والفنانين والفنانات وتغطية مهرجانات عربية وعالمية عبر حسابنا على انستغرام